रायपुर, 13 अप्रैल 2026 : Indian Institute of Management Raipur म मुख्यमंत्री सुशासन फेलोशिप (CMGGF) के तहत दू बछर के एमबीए (पब्लिक पॉलिसी अउ गवर्नेंस) कोर्स खातिर आवेदन मंगाय जात हवय। ए फेलोशिप छत्तीसगढ़ सरकार के सहयोग ले चलत हवय, जेन के मकसद भविस्य के बढ़िया लीडर मन ला तयार करना आय।

ए कोर्स म पढ़ई के संग-संग सरकारी कामकाज, नीति बनाय अउ जमीन ले जुड़के अनुभव हासिल करे के मौका मिलही। पढ़ई आईआईएम रायपुर के कैंपस म होही अउ सरकार के सहयोग ले फील्ड म ट्रेनिंग घलो मिलही।

ए कार्यक्रम के संचालन प्रो. गोपाल कुमार अउ प्रो. शबना पी के मार्गदर्शन म होही।

 खास बात

ए फेलोशिप म:

• पूरा ट्यूशन फीस छत्तीसगढ़ सरकार भरही

• हर महीना ₹50,000 तक वजीफा मिलही

• लोक नीति अउ सुशासन म खास फोकस रहिही

• फील्डवर्क के माध्यम ले असली अनुभव मिलही

अधिकारी मन का कहना

संस्थान के डायरेक्टर-इन-चार्ज प्रो. संजीव प्रसार कहिन कि ए कार्यक्रम म पढ़ई के संग-साथ असली जिनगी म नीति बनाय अउ लागू करे के समझ विकसित करे जाथे।

डीन (एक्सटर्नल रिलेशन) प्रो. सत्यसिबा दास कहिन कि सरकार अउ उद्योग के संग सहयोग ले छात्र मन ला जमीनी अनुभव मिलथे, जेन ले वो मन मजबूत बनथें।

 पात्रता (Eligibility)

आवेदन करे बर:

• छत्तीसगढ़ के मूल निवासी होना जरूरी हे

• 2023, 2024 या 2025 म से कोनो एक साल के CAT स्कोर होना चाही

• ग्रेजुएशन म कम से कम 60% अंक (आरक्षित वर्ग खातिर 55%) होना जरूरी हे

• आरक्षण राज्य के नियम अनुसार लागू होही

 आवेदन के जानकारी

आवेदन के आखिरी तारीख: 30 अप्रैल 2026

इच्छुक अभ्यर्थी ऑनलाइन आवेदन करे बर

 http://iimraipur.ac.in/mba-ppg/

 आईआईएम रायपुर के बारे :

Indian Institute of Management Raipur के स्थापना 2010 म होइस। ए संस्थान आज देश के तेजी ले बढ़त प्रबंधन संस्थान म गिने जाथे, जिहां 50 ले जियादा अनुभवी शिक्षक अउ सैकड़ों विद्यार्थी पढ़त हवंय।